Transkripcie

[Eruantalon]

Panstvo, máme tu zakázku od Athelasu: Prepis do Tengwaru. Berme to ako domácu úlohu, s tým, že v piatok si to navzájom skontrolujeme a vydáme "definitívnu verziu" (ktorú dám ešte asi skontrolovať niekomu ďalej, ale to je momentálne vedľajšie... ;-))

Faramir


Núravë harna, nenyë lantala,
lantala mir i núra mornië,
han estel, han melmë, han cuilë.

Mapaina poldë manten,
ortaina i nárillon,
ananta uryanenyë.

Er, hilyanen i fëar
i veryë ohtarion,
i nyë ihílier.

Undu i lumbë
'Morna Heruva
te ifírier;

quorinë i Alta Síressë,
uryaina lantala coassen,
ar nehtaina i Pelerissen.

Mal lá upustielmë
i hormar i mahtaner
i taura Mindon Tirnonna.

Sí fëanya né vanwa,
nyéressë er ranyanen
ter uruitë mornië.

Sin né ninya metta yando.

~ ~ ~ ~ ~ ~
San, háya, hlarnenyë óma.
Ristala ter i mornië,
i óma essenya quentë.

Nes óma túreva
ananta moiceva,
i ánë cala nin.

"Faramir!  A Faramir!"
Nahamneryen entula,
aupela fíriello,

ar, quetala "Namárië "
hehta meldomacilinyar
i anwa eménier mettantanna.

Polin hlares quetala,
"Faramir!  A Faramir!"
Nás i óma aranyo!

Óma nolwë ar poldoro,
auroitala nyérenya.
Tultaryen! ...  Mauya nin lelya!

Lencavë, lumbavë, pelan.
Sí mornië ná cata nye,
ata ómarya óra nin;

"Faramir!  A Faramir!
Á tula i calanna.
 Entul' estel  ar cuilenna!"

Pantala hendunyat,
cenin i aranta
envinyatarinyo.

Envinyatálar
mát i arano
appëar nyë.

"Tultanelyë nyë!
Herunya, tulinyë!
Mana 'aran cána?"

"Áva vanta lumbissen
mal á cuiva! ...  Á sérë,
ar nauval mína ír' entuluvan."

"Caruvanyes, Herunya, an man
meruva caita caimaryassë
írë aran utúlië ?"

~ ~ ~ ~ ~ ~ ~ ~ ~

I hossi úmeo oantier,
i Heru 'Morinórëo avánië,
ar envinyanta ná Ondonórë.

I taura Mindon Tirno
ná i Mindon Aranwa,
Elessar, Envinyatar.

Melmenen laituvalves alassavë,
pan Estel harë i mahalmassë
ar turë orelvassen tenn' oio!